ورلڈ کپ 2019 دے پہلے سیمی فائنل وچ فیورٹ ٹیم بھارت نیوزی لینڈ ہتھوں ہارن مگروں فائنل دی دوڑ توں باہر ہوگئی، ایس دے نال ای پرانے کرکٹراں تے تبصرے کرن والیاں اپنی رائے دینا شروع کردتی، کسے ایس نوں اپ سیٹ قرار دتا تے کسے آکھیا ایہہ بھارت دا خوف سی۔
صحافی احمر نقوی ٹویٹر اتے لکھیا کہ کیہ ایہہ اپ سیٹ سی، ایہہ ورلڈکپ سیمی فائنل دی اپ سیٹ ہاراں وچوں اک سی۔
سنجے منجریکر نے روہت شرما تے ویرات کوہلی دے چھیتی آؤٹ ہون نوں ہار دی گھڑی قرار دے دتا۔ اوہ کہندے نیں ٹورنامنٹ توں پہلاں تے ایس دے دوران بھارت دا بدترین خوف سیمی فائنل وچ سچ بن گیا’۔
مبصرریحان الحق آکھدے نیں، پہلے تن وڈے کھڈاری چھیتی ٹرگئے، جے اوہ تنے ناکام سن تے دھونی اوہناں دی ناکامی نوں پورن وچ ناکام رہ گئے۔
ایک تبصرہ کرن والے آکھیا کہ جد دھونی رن آوٹ ہویا اوہ گھڑی بھارت دی ہار دی گھڑی بن گئی، اکثر نے نیوزی لینڈ دے کپتان کین ولیم سن نوں اک سیانا کپتان قراردتا
372
