585

سعودی عرب دی پھلی فارمولا ای کار ایس ڈرائیور سوانی

سعودی عرب وچ پچھلے ورھے بھوں ساری تبدیلیاں کیتیاں گئییاں نیں جیویں دارالحکومت ریاض وچ سجیا میلا دسمبر تائیں جاری رہوے گا۔
ریاض دے ثقافتی میلے وچ پہلی وار سوانیاں دیاں کشتیاں کرا ئیاں گئیاں سن تےاس توں اڈ ثقافتی میلے وچ پہلی وار سوانیاں تے مرداں اک مٹھ ھو کے فنکاریاں دے جوہر وکھائے تے ھن سعودی عرب دی 27 ورھیاں دی ریما الجفالی اک نویں تریخ لکھن جا رھیاں اے ۔ریما الجفالی پہلے وی برٹش کار ریس مقابلیاں وچ حصا لے چکیاں نیں.،جی ہاں، ریما الجفالی بھوں چھیتی سعودی عرب وچ ہوون والی پہلی فارمولا الیکٹرانک کار ریس وچ رل کے نویں تریخ لکھن جا رھیاں نیں .ریما الجفالی 22 توں 23 نومبرنوں ہوون والی فارمولا ای کار دے الیکٹرانک کار ریس مقابلے ’جگار آئی پیس ای ٹرافی‘ وچ حصہ لین جا رہیاں نیں۔ ایہ ریس دارالحکومت ریاض دے نیڑے تاریخی تھاں درعیہ دے صحرا وچ ھوسی تے ایھدے وچ 12 ٹیمیاں حصہ لین گیاں چیتے رھوے ریما الجفالی سعودی عرب دی کڑیاں نوں وی ایس ریس دے ول سکھادیاں نیں.

اپنی رائے دا اظہار کرو