373

امپائر دھرماسینا وادھو رنز والی غلطی من لئی

انگلینڈ تے نیوزی لینڈ وچکار کرکٹ ورلڈکپ 2019 دے فائنل دی امپائرنگ کرن والے سری لنکن امپائر کمار دھرما سینا نے انگلینڈ نوں اک اضافی رن دیون دی غلطی من لئی اے۔
عالمی کپ دی تریخ دے سبھ توں ودھ سنسنی پیدا کرن والے فائنل وچ دھرما سینا اتے ڈاھڈی تنقید ہورہی سی، پئی اوہناں نے اوورتھرو دے چھ سکور دتے جد کے پنج بن دے سن، اوسے اک سکور کارن نیوزی لینڈ دی ٹیم عالمی کپ جیتن وچ ناکام رہی۔
دھرما سینا دا آکھنا اے کہ اوہناں نال دے امپائر توں مشورے مگروں فیصلہ دتا دوجے پاسے اوہناں کول سکرین اتے ری پلے دی سہولت نئیں سی، جنہوں میچ مگروں ویکھن اتے اوہناں نوں غلطی دا احساس ہویا، فیر وی اوہناں ایس غلطی اتے کسے پشیمانی دا اظہار نئیں کیتا۔

اپنی رائے دا اظہار کرو