288

پاکستانی چنگا کھیڈے ،جت نہ سکے

انگلینڈ نے اک دیہاڑی میچاں دی لڑی دے دوجے مقابلے وچ جوز بٹلر دے ترنت سیکڑے بدولت تن سو تہتر رنزاں دا پہاڑ کھڑا کردتا، مگر فخر زمان سنے پاکستانی بلے بازوں دی چنگی کارگزاری پاروں میچ صرف 12 رنزاں نال جت کے ایہہ سیریز وچ 0-1 دا وادھا لے لیا۔
ساؤتھمپٹن وچ کھیڈے دوجے میچ وچ کپتان سرفراز احمد ٹاس جت کے میزبان ٹیم نوں پہلاں بلے بازی دا سدا دتا۔
اوپننگ بلے بازاں جیسن رائے تے جونی بیئرسٹو نے پہلی وکٹ دی ساجھداری وچ سنچری بنالئی۔
قومی ٹیم نوں پہلی کامیابی 115 اتے مجموعے تے ملی جدوں جونی بیئرسٹو 51 رنز بنان مگروں شاہین آفریدی دی گیند اتے فخرزمان دے ہتھوں کیچ آؤٹ ہویا۔
بارش ہوون پاروں کھیڈ روکنا پیا،جدے تھمدے ای میچ شروع ہویا تاں حسن علی نے 87 رنز اتے کھیڈن والے جیسن روئے نوں آوٹ کرکے انگلینڈ دی دوجی وکٹ ڈیگ دتی۔
انگلینڈ نے متھے اوراں وچ 3 وکٹاں اتے 373 رنزبنا کے پاکستان نوں اک مشکل ٹیچا دتا۔
جوز بٹلر 55 گینداں اتے 110 تے مورگن 48 گینداں اتے 6 چوکیاں تے اک چھکے نال 71 رنز بنا کر ناٹ آؤٹ رہے۔
شاہین شاہ آفریدی، یاسر شاہ اور حسن علی نے اک، اک وکٹ لتی۔
پاکستان نے پہلا نقصان 92 اسکور اتے برداشت کیتا جدوں امام الحق 35 رن بنا کے معین علی یی گیند تے آؤٹ ہوئے،جدے مگروں فخر زمان تے بابر اعظم نے ٹیم نوں چنگی پوزیشن اتے لیا کھڑا کیتا۔
فخر زمان نے 84 گینداں اتے سنچری مکمل کیتی 227 رنز تے 138دی ودھیا اننگز کھیڈن مگروں ووکس دی گیند اتے آوٹ ہوئے۔
بابر اعظم نے51 رنز بنائے،اصف علی دو چوکیاں تے 4 چھکیاں نال 36 گینداں وچ 51 سکور کتیا۔ پاکستان نے 7 وکٹوں پر 361 رنز بنائے تے میچ صرف 12 رنز توں ہارگیا۔

اپنی رائے دا اظہار کرو