380

عمر اکمل بکی نال رابطے دا اعتراف کرلیا

پتہ چل گیا، سارے ثبوت ساہمنے آون مگروں کرکٹر عمراکمل نے بکی دے نال اپنے رابطے نوں من لیا۔
ذریعاں مطابق عمر اکمل دے فون دا ڈیٹا پاکستان کرکٹ بورڈ (پی سی بی) دے اینٹی کرپشن یونٹ کول اے، اینٹی کرپشن یونٹ نےعمر اکمل نوں طلب کرکے اوہناں دے دونوں فون قبضے وچ لے لئے۔
بکی دے رابطہ کرن دی اطلاع پی سی بی نوں ناں کرن اتے عمر اکمل نوں دو سال دی سزا دا ساہمنا کرنا پے سکدا اے۔
عمر اکمل نوں اک ہفتے پہلاں ای ڈسپلن متعلق کیس وچ کلین چٹ ملی سی۔
پی ایس ایل 2020 توں پہلے بکی نے عمراکمل نال رابطہ کیتا تے اوہناں نوں فکسنگ دی پیشکش کیتی۔ پی سی بی دے اینٹی کرپشن یونٹ نوں ٹیلی فون اتے دوناں وچکار گل بات دا ریکارڈ مل گیا۔
پکے ثبوت ملن مگروں پی سی بی نے کارروائی کیتی تے عمر اکمل نے وی بکی نال رابطے کرن نوں من لیا، ہالے تائیں پی سی بی یاں ٹیم منیجمنٹ نوں ویلے سر جانکاری نہ دیون اتے کرکٹر نوں معطل کیتا گیا اے۔ سزا دا فیصلہ مگروں کیتا جاوے گا۔

اپنی رائے دا اظہار کرو