248

عمران خان وانگ وزیراعظم بناں گا،معلوم نئیں

لندن وچ ورلڈکپ دی دس ٹیماں دے کپتان رل پریس کانفرنس کیتی، سرفراز احمد توں صحافی پچھیا کیہ تسیں وی ورلڈ کپ جت کےعمران خان وانگ وزیر اعظم بننا چاہو گے۔اوہناں جواب دتا ورلڈکپ دی قیادت میرے لیے اعزاز توں گھٹ نئیں،میری خواہش اے ساڈی ٹیم 1992 وانگ تریخ فیر دہرائیے،عالمی مقابلے جتیئے، عمران خان وانگ آن والے دناں وچ وزیراعظم بنن بارے کجھ نئیں آکھ سکدا۔

سرفراز آکھیا اخیرویلے محمد عامرتے وہاب ریاض نوں ٹیم وچ شریک کرن نال بولنگ اٹیک قوم دی آس تے پورا آوے گا۔سانوں تجربہ کار بولراں دی لوڑ سی،
سرفراز نے آکھا اوہناں نوں انگلینڈ نال سیریز کھیڈن تے ہارن اتے کوئی افسوس نئیں اے۔ اوہناں آکھیا ٹیم نے سیریز وچ معیاری تے زبردست کرکٹ کھیڈی۔ بلے بازاں وی سارے میچاں وچ وڈاسکورکیتا۔
وہاب ریاض جون 2017 وچ اخیرلے ویلے میچ کھیڈیا، اوس مگروں ہالے تیک کوئی میچ نئیں کھیڈیا۔ اوہناں دی کارگزاری بارے کجھ نئیں دسیا جاسکدا، محمد عامر ایس ورھے کھیڈے میچاں وچ کوئی خاص پرفارمنس نئیں وکھائی فیروی اوہناں دی حمایت کرن والیاں داآکھنا اے ،محمد عامر وڈے میچ دا بولر اے۔

اپنی رائے دا اظہار کرو