424

نیلم جہلم ہائیڈروپاور پراجیکٹ پاروں مظفر آباد وچ سوکا پے گیا

مظفرآباد (سجن رپورٹ) آزاد کشمیر پہاڑاں، دریاواں، جنگلاں اتے ندیاں نالیاں لئی مشہور سی پر ہن ایہدے دریا سکن لگ گئے نیں۔ بھارتی مل مارے کشمیر توں وگ کے آؤن آلے تناں وچوں دو دریا نیلم تے جہلم آزاد کشمیر دے دارالحکومت مظفرآباد اچ آ کے مل دے نیں۔
بھارتی مل مارے کشمیر دے علاقے گرہس وچوں آؤن والا نیلم دریا مظفرآباد شہر وچکاروں لنگھ دا اے پر ہن ایس دریا دا 80 فیصد پانی شہروں 35 کلومیٹر دور اک سرنگ راہیں موڑ دتا گیا اے۔ نیلم جہلم ہائیڈروپاور منصوبے پاروں شہر اندروں لنگھن آلے ایس وڈے دریا دا پانی بہوں گھٹ گیا اے تے ایہہ دریا ہن اک نالہ بن کے رہ گیا اے۔ شہریاں نوں پیون والا پانی وی ایتھوں دتا جاندا اے تے نالے گندے پانی دا نکاس وی نیلم دریا راہیں ہوندا اے پر جدوں دا پانی دا رخ موڑیا گیا اے اودوں توں دریا دے دوہاں کنڈھیاں تے گندگی دے ڈھیر نظر آؤن لگ پئے نیں جیہدے کارن لوکاں نوں ڈَاڈھی چنتا اے۔

اپنی رائے دا اظہار کرو