’ریفرنس دا مقصد ججاں نوں چپ کرانا‘ جسٹس قاضی فائز

اسلام آباد: سپریم کورٹ دے جج جسٹس قاضی فائز عیسیٰ نے صدارتی ریفرنس خلاف اپنا جواب الجواب عدالت عظمیٰ میں جمع کرادتا۔
جسٹس قاضی فائز دا کہنا اے گھر والیاں دی ملکیتی جائیداداں دی منی ٹریل دیون دا پابند نئیں، بیوی تے بچے میں نئیں پال رہا، ایس لئی مالی معاملیاں دا علم نئیں اے۔ بیوی تے بالاں دی ملکیتی جائیداد دی تفصیلاں بارے جانکاری دیوں دا مینوں نئیں آکھیا جاسکدا۔
جواب وچ کہیا گیا کہ صدارتی ریفرنس دا مقصد ججاں دے عیب کڈھنا تے اوہناں نوں چپ کرانا اے، الزام لاکے میری شہرت تے ساکھ نوں نقصان پہنچایا جا رہیا اے۔
جسٹس قاضی فائز عیسیٰ نے اپنے جواب وچ مزید آکھیا کہ پہلی جائیداد 2004 وچ 2 لاکھ 36 ہزار پاؤنڈ پاکستانی 2 کروڑ 60 لاکھ روپے وچ خریدی، دوجیاں 2 جائیداداں 2013 وچ 2 لاکھ 45 ہزار پاؤنڈ تے 2 لاکھ 70 ہزار پاؤنڈ وچ خریدیاں، ساریاں مل کے وی کراچی، لاہور تے اسلام آباد دے مہنگے علاقیاں وچ اک کنال دے مل توں وی گھٹ نیں۔