سناٹے وچ کھڑاک۔۔۔۔

اک اجیہے ویلے جدوں ہر منہ اتے چپ دے تالے لگے نیں لہور وچ نویکلی بیٹھک ہوئی۔ ایہہ اکٹھ پاکستان دی تریخ دا پہلا اجیہا اجلاس سی جیہدے وچ صحافت اتے لائیاں ہٹکاں توں نکلن لئی راہ لبھن تے غور کیتا گیا۔

پہلے اجلاس وچ نیڑے نیڑے سارے ای نیوز چینلز دے ڈائریکٹر نیوز ہوراں تے اخباراں دے ایڈیٹراں شرکت کیتی۔ پنجاب اسمبلی نیڑے لاہور دے اک ہوٹل وچ اجلاس سدیا گیا سی جیہدے وچ کراچی۔ اسلام آباد تے لاہور دے نیوز مینجراں نے پابندیاں دی گھٹن توں نکلن لئی اپنے اپنے وچار دسے۔ بیٹھک وچ فیصلہ کیتا گیا کہ ٹی وی تے اخبار چلاون والے سنیئر صحافیاں دی اک تنظیم بنائی جاوے گی، جہیڑی چپ نوں تروڈن دی آہر کرے گی۔ جہیڑا جتھے بیٹھا اے وڈے ایشو دا بلیک آؤٹ نئیں ہوون دیوے گا۔ جے کر پالیسی پریشر ہووے گا تے فیر گھٹوں گھٹ تنظیم ولوں بیان جاری کر کے اپنی رائے لولائی نوں ضرور دسی جاوے گی۔ اجلاس وج تنظیم دے علاقائی تے عالمی پکھ بناون تے وی غور کیتا گیا۔