اسلام آباد ہائی کورٹ نے آکھیا اے جیویں وفاقی محتسب مشتاق سکھیرا نوں عہدے توں ہٹاون لئی قانونی طریقہ کار دی پروا نئیں کیتی گئی، انج لگدا کہ سرکار ایگزیکٹو آرڈرز راہیں اسمبلی تحلیل کرن دی راہ بنارہی اے۔ اک رپورٹ مطابق آرٹیکل 58 ۔ 2 بی دے خاتمے مگروں آئین وچ دتی 18 ترمیم راہیں صدر توں قومی اسمبلی توڑن دا اختیار واپس لے لیتا گیا سی۔
کیس دے سنوائی دوران اسلام آباد ہائی کورٹ دے چیف جسٹس اطہر من اللہ نے ریمارکس دتے کہ جد محتسب یا کسی وی آئینی عہدیدار دے ہٹاون دا طریقہ کار موجود اے تاں متعلقہ فورم نوں بائی پاس کردیاں صدارتی حکم جاری کرنا اداریاں نوں نقصان پہنچا سکدے نیں کیوں جے صدر ایویں وزیراعظم نوں وی ہٹا سکدا اے۔
عدالت دا کہنا سی کہ ’نہ ای درخواست گزار دے خلاف کسے قسم دے غلط کم کرن دا الزام اے نہ ای وفاقی سرکار ولوں ایہہ آکھیا گیا کہ مشتاق سکھیرا اپنی ذمہ داریاں بہتر طریقے نال انجام دین وچ ناکام رہے نیں۔
393
