ہتھے چڑھے خواب..

لکھاری
زاھد اقبال بٹ
کھلی اکھ نال خواب ویکھنا چنگی گل اے پر اینھاں پچھے انھے واہ دوڑناں کوئی سیانپ نھیں ۔ایس ھیاتی وچ اپنے آپ نوں دوڑا دوڑا کے ایھناں ساہ نا چڑھا لوو کہ تھاڈی مت ای ماری جائے ۔ اپنے خواباں نوں توڑہ چاڑھن لئی ایھدا رستہ سدھا تے صاف اےایہ اوھدوں ممکن ھو سکدے نیں جدوں اسیں اجوکے سمے نوں سوھنے ڈھنگ نال گزارئے ۔اس وچ کوئی رلا نہ کرئیے،اپنا حساب کتاب آپوں کرئیے، دوجے نوں تھمت میھناں نہ مارئیے،سچ یقین مسافت باھجوں پائیے، نفس پرستی دھگانے ھر ویلے سر تے نہ چائیے، سمندروں گھری پریت دے سر نال بیڑی بنے لائیے جےاسطرھاں دے وچار ساڈی ساری دیھاڑ چ لائن بنا کے کھلوتے ھوون تے اجیھی روشنائی ساڈے چوفیرے ھووے گی فیر ساڈے دن دا نرول “رت ” ساڈے رات دا ” ست ” ھووے گا۔جیکر بندہ اپنا ساڑہ دوجیاں اتے کڈھے، بد زبان ھووے ،غصے وچ ھوش نہ رھوے جو مونھ چ آئے بولی جائے ،ساری دیھاڑ مار دھاڑ،اتگردی ، سینہ زوری تے بھیڑی اکھ دی کرتوت نال سانجھ بنائی رکھے گا تے اجیھے کمزور بندیاں دا دن وی انھیری رات ورگا تے رات وی کھچ وھرو تے مار دھاڑ نال بھری ھووے گی۔نیند وچ آون والے خواباں دی حقیقت کھل کے ساھمنے آجاندی اے پئی جس طرحاں دا بندہ اونج دے خواب ، گل سدھی اے جو بندہ سوچ سمجھ دی لھر دی انتی جو دماغ وچ انیں گا اوھی کردار رل مل کے اوھی “رھس ” پیش کرن گے . دوجی گل راتیں نیند وچ آون والے خواباں بارے کرداں جاواں ، بندہ جیھڑے کم کھلی اکھ نال نھیں کر سکدا اوہ کم خواباں وچ کر رھیاں ھوندا اے یعنی جس طرحاں دی سوچ اوس طرحاں دے خواب ،سٹا ایہ نکلیا کھ کھلی تے بند اکھ د ے خواب دا سکرپٹ بندے دے اپنے ھتھ وس وچ اے بندہ بھاویں چولاں(گھٹیا حرکتاں ) مار کے زندگی گزار لوے بھاویں صدق صفا نال——————————— منڈی لگی اے