البرٹ آئن سٹائن نوں کسے وی دور دا ذھین ترین انسان اکھیا جاندا اے۔ اوہ 14 مارچ 1879 نوں جرمنی وچ جمیا۔، نکے ہوندیاں بوہوں مشکل نال گل کرن والے بال توں کسے اس ناہی سی جے وڈے ہوکے فزکس ورگے اوکھے مضمون دا ماہر بن جاوے گا۔ سکول سے ہولے پڈھیاراں وچ اوس دا شمار ہوندا اوہ کسے قانون نوں “وژولائز” کرکے اوس دی مڈھ نوں سمجحن دی کوشش کردا جس تے استاد اوس نوں کلاس توں باہر کڈ دیندے سن۔
آئن سٹائن حیاتی دے کئی ورھے ایس گل نوں مناون اتے گزار دتی کے تعلیم دیون والے ادارے ایہہ جانکاری رکھن کے اوتھے بالاں تے پڈھیاراں نوں کیہو جیہے ماحول وچ رہن تے سکھن دی خواہش رکھنی چاہیدی اے۔
آئن سٹائن نیں بنیادی نظریہ اضافیت اتے کوانٹم فزکس دی مڈھ رکھی۔
جنوری 1942 وچ گلیلیو دے مرن توں پورے تن سو ورھے مگروں سٹیفن ہاکنگ دا جنم ہویا۔ اوس دی موت 14 مارچ 2018 نوں آئن سٹائن دے 141 ویں جنم دیہاڑ اتے ہوئی۔ اینہاں دوہاں تریخاں نوں لکھاں لوک جمے تے مرے ہوون گے، ہاکنگ گلیلیو تے آئن سٹائن دا سچا وارث سی۔
جس اپاہج ہوون دے نال بڑا کجھ کر وکھایا۔ اوس دوجے اپاہجاں نوں وہی نویں راہ وکھائی۔ ایس روگ نیں اوس دا دنیا نال تعلق مکادتا اوہ جانندا سی اوس دا دماغ کم کردا رہے گا اپنی سوچ دی اڈان نال اوہ پورے سنسار اتے جھات پاسکدا اے،
14مارچ 2018 نوں جد سارے سائنسی لوک آئن سٹائن دا جنم دیہاڑ مناون لگے سن ، اوس ویلے اک ہور وڈا نام سٹیفن ہاکنگ دی موت ہوگئی۔
390
