(اسلام آباد سجن ڈیسک ) لندن کالج یونیورسٹی تے پبلک ہیلتھ انگلینڈ دی تحقیق وچ دسیا گیا کہ بالاں وچ کووڈ دی بھوں مندی بماری دے روگ دا خطرہ نہ ہوون دے برابر ہوندا اے پراجیئے کووڈ دیاں بالاں وچ ظاہرھوون والیاں علامتاں لمے چر لئی چمڑیاں رہ سکدیا نیں
تحقیق وچ جو ماملا کھل کے ساھمنے آیا کہ پئی 11 توں 17 ورھیا دے جنھاں بالاں وچ وائرس دی تصدیق ھوندی اے ایھناں وچ 15 ہفتیاں توں مگروں 3 یا ں اس توں وادھو علامتاں دا گیڑا اس عمر دے کووڈ توں محفوظ لوکاں توں دو گنا ودہ ھوندا اے
تحقیق موجب جنوری توں مارچ وچکار 11 توں 17 ورھیاں دی عمر دے 3065 کووڈ دے روگیاں دا موازنہ اسی عمر دے 3739 بچیاں نال کیتا گیا اے جنھاں دا کووڈ ٹیسٹ منفی آیا سی تے انھناں دا ڈیٹا کنٹرول گروپ دے طورورتیا گیا سی ۔
جنھاں بالاں دا کووڈ ٹیسٹ مثبت رھیا ایھناں وچ 14 فیصد نے 15 ہفتیاں توں بعد ، 3 یاں اس توں وادھو علاماتاں ساھمنے آئیاں جیویں جسم وچ تھکاوٹ یا سردرد رپورٹ ھوئیاں ، کنٹرول گروپ وچ ا یہ شرح 7 فیصد سی۔ طبی پن چھان دے نتیجیاں ایہ گل کھول کے رکھ دتی اے کہ ہزاراں بالاں تے شینہ جواناں وچ کووڈ دے 15 ہفتیاں توں بعد وی ایہ علاماتاں موجود ہوسکدیاں نیں
308
