کورونا نویں مریض، کراچی وچ اکٹھ اتےپابندی، تعلیمی ادارے بند

کراچی: کورونا وائرس دے کیس ودھن مگروں محکمہ صحت نے کراچی وچ لوکاں دے اکٹھ اتے ہٹک لاون تے تعلیمی ادارے لمے چرلئی بند رکھن دی سفارش کردتی اے۔
صوبائی وزیر صحت دی اگوائی ہیٹھ اجلاس ہویا، جیہدے وچ پاکستان کرکٹ بورڈ دے افسراں وی شرکت کیتی، کورونا وائرس دے مریضاں دی گنتی ودھن مگروں دی صورتحال اتے گوہ کیتا گیا، اکٹھ وچ کجھ اچیچے فیصلے وی کیتے گئے۔
محکمہ صحت نے ائیرپورٹ پورٹ اتے ہیلتھ ڈیسک قائم کرن دا فیصلہ کیتا اے جس راہیں کراچی آون والے سارے مسافراں دی سکریننگ کیتی جاوے گی۔