80 ورھیاں دا نابینا غلام محمد بھارتی زیرِ انتظام کشمیر دے ضلع بڈگام وچ چک پہرو دا رہائشی اے۔ اوہنے دسیا کہ دو روز پہلاں راتیں اوس دے نکے دوہترے نوں سیکیورٹی فورس والیاں گرفتار کر لیا۔ ایس واقعے خلاف بستی وچ احتجاج ہویا فیر وی فورسز نے مظاہرین خلاف سخت کارروائی کرکے ہوئے اوہناں نوں منتشر کر دتا۔
ایس طرحاں سرینگر دے علاقے جناب صاحب، صورہ دے 40 سالہ الطاف احمد وی مقامی پولیس تھانے وچ قید نیں۔ اُوہناں دے والد کجھ چر پہلاں انتقال کر چکے نیں۔ والدہ کہندی اے کہ عید توں پہلاں بھیڑ بکریاں دا ریوڑ منڈی توں واپس گھر لا رہے سن کہ اوہناں نوں سیکیورٹی فورسز نے دھر لیا۔
جناب صاحب، صورہ وچ کئی دناں توں حالات خراب نیں۔ 8 اگست نوں ہزاراں لوکاں نے انڈین سرکار ولوں جموں و کشمیر دی خصوصی آئینی خود مختاری ختم کرن تے جموں و کشمیر تے لداخ نوں مرکز دے انتظام ہیٹھ وخھو وکھ خطے قرار دیون خلاف احتجاج کیتا سی۔
کشمیر وچ گرفتاریاں نوں تن پدھر اتے عمل وچ لایا گیا اے۔ پنچ اگست دے فیصلے توں 2 مہینے پہلاں علیحدگی پسنداں دی وڈی گنتی نوں گرفتار کرلیا فیصلے مگروں سابق وزرائے اعلیٰ تے وزیراں سنے سینکڑاں ہند نواز سیاسی رہنما تے کارکن گرفتار کیتے گئے ہن عوامی ردعمل روکن لئی وڈے پدھر اتے گرفتاری مہم چھیڑ دتی گئی اے۔
412
