کراچی: ڈیفنس وچ فائرنگ، چینل دا اینکر قتل

کراچی دے پوش علاقے ڈیفنس وچ اک بندے نے رقم دے تنازع اتے ‘بول ٹی وی’ دے اینکر پرسن مرید عباس تے اوس دے خضرحیات نوں فائرنگ کر کے قتل کردتا۔
سینئر سپرنٹنڈنٹ پولیس جنوبی دا کہنا اے کہ ’ملزم عاطف زمان نے مرید عباس تے اوس دے بیلی نوں قتل کرن مگروں آپ نوں وی گولی مارکے خودکشی کرلئِ۔ اوہناں دسیا کہ پولیس ملزم نوں پھڑن اوہدے فلیٹ اپڑی جتھے ویکھیا اوس آپ نوں گولی مارکے زندگی دا خاتمہ کرلیا سی۔
دوجے پاسے مرید عباس دی گھروالی زاراعباس اک وڈیو بیان وچ دسیا پئی عاطف زمان نے 8 وجے کول فون کر کے مرید عباس نوں بلایا سی۔
اوہناں دسیا عاطف ٹائراں دا بزنس کردا اے تے مرید عباس اوس نوں 50 لکھ روپے کاروبار وچ لاون لئی دتے سن۔
پلس افسراں دا آکھنا اے کہ کجھ دیہاڑ پہلاں مرید عباس نے تھانے وچ کجھ لوکاں خلاف درخاست جمع کرائی سی، اوس نوں ویکھدیاں کسے ذاتی دشمنی دے بارے وی پرچول کیتی جاوے گی،
وزیراعلیِ سندھ واقعے دا نوٹس لے لیا، ایران توں فون کرکے چیف سیکرٹری توں واقعے دی تفصیل پچھی تے فوری کارروائی کرن دی ہدایت وی دتی۔ ڈی جی آئی ایس پی آر میجر جنرل آصف غفور نے قتل اتے افسوس کیتا، فرید عباس دے ٹبر نال ہمدردی دا اظہارکردیا مرن والے دی مغفرت لئی رب توں دعا وی کیتی۔
مرید عباس کی اہلیہ کا کہنا تھا کہ ’انہیں شک نہیں یقین ہے کہ عاطف زمان نے ہی ان کے شوہر کو قتل کیا‘۔