اسلام آباد: (سجن ڈیسک ) عالمی منڈی وچ خام تیل دیاں قیمتاں وچ وادھے پاروں پاکستان وچ پیٹرولیم دیاں قیمتاں وچ 6 روپے تاہیں وادھا ھو سکدا اے. آئل ریفائنریز دے حسداب کتاب موجب عالمی منڈی وچ تیل دیاں قیمتاں وچ ھوون والے وادھے دی وجا توں پیٹرول تے ڈیزل دی ایکس ریفائنری قیمتاں ودھن دا ٹیوا لٰایا جا رھیا اے ۔ امریکی تیل 2 ڈالر وادھے نال 81 ڈالر فی بیرل جدکھ برطانوی خام تیل اک ڈالر 70 سینٹ دے وادھے نال 83 ڈالر 70 سینٹ وچ ویچیا جا رھیا اے ۔ اس لئی مقامی مارکیٹ وچ پیٹرول دی قیمت وچ 5 روپے 25 پسے، ڈیزل دی قیمت وچ 5 روپے 75 پیسے، مٹی دے تیل دی قیمت وچ 5 روپے 50 پیسے تے لائٹ ڈیزل دی قیمت وچ 6 روپے لیٹر وادھے دا گویڑ لایا جا رھیا اے ۔
161
