374

پیسے دیو جان چھڑاو!

مسلم لیگ ن دے لیڈراں مطابق نواز شریف ڈیل اتے راضی نئیں ہن، اوہناں کہہ دتا اے اوہ کسے قسم دی ڈیل لئی تیار نئیں جدکہ حکومتی ذرائع کہہ رہے نیں کہ ہن میاں نواز شریف پیسے دیون نوں تیار ہو گئے نیں۔ ایس حوالے نال کجھ دعوے وی ہورہے نیں، ہالے تائیں ایس دی تصدیق نئیں ہوئی۔
اک چینل اتے صحافی نے دعویٰ کیتا اے کہ میاں محمد نواز شریف دی والدہ نے اوہناں نوں آکھیا کہ پیسے دیو جان چھڑاؤ،اساں باقی زندگی سکون نال گزارنا چاہندے ہاں۔
صحافی دا کہنا اے کہ مریم نواز تے حمزہ شریف دے آپس وچ سخت اختلاف نیں۔ نوازشریف اپنی کڑی مریم نواز نوں پارٹی صدر بناوں لگے سن، شہباز شریف نے والدہ توں بینتی کیتی تے آکھیا سی میں پاکستان وچ اپنی شکل نئیں دکھا سکاں گا’۔ جس کارن مریم نواز نوں صدر نئیں بنایا گیا۔

اپنی رائے دا اظہار کرو