لنگھے اک ورھے دوراں ایڈز دے مریضاں دی گنتی گھٹوگھٹ ڈھائی ہزار ودھ گئی اے۔ ہن تائیں ایہہ گنتی ودھ کے 23 ہزار 757 ہوگئی۔
نیشنل ایڈز کنٹرول پروگرام ولوں گزشتہ برس جاری رپورٹ وچ ملک بھر وچ ایڈز دے رجسٹرڈ مریضاں دی تعداد 21 ہزار 129دسی گئی سی۔ ہن ملک وچ ایڈز دے ہور نویں روگی رجسٹرڈ ہوئے نیں، جس مگروں ایہہ گنتی 23 ہزار 757 ہوگئی۔
نیشنل ایڈز کنٹرول پروگرام دسیا پاکستان وچ جتھے لنگھے ورھے ایڈز دے روگی ودھے اوتھے ایچ آئی وی وائرس دے شکار وی زیادہ ویکھے گئے نیں۔ ایس ویلے پاکستان وچ ایچ آئی وی توں متاثرہ رجسٹرڈ لوکاں دی گنتی لاکھ 65 ہزار اے۔
قومی ایڈز پروگرام مطابق پاکستان وچ ایڈزدے 15 ہزار 821 مریض علاج کرا رہے نیں۔
638
