واشنگٹن(رائٹرز) صدر ڈونلڈٹرمپ نے گولان دی پہاڑیاں اتے اسرائیلی قبضے نوں قنون طور اتے منن بارے حکم نامے اتے دستخط کردتے۔ وائٹ ہاؤس دے ڈپلومیٹک ریسپشن روم وچ وزیراعظم نیتن یاہو نال ملاقات مگروں آکھیا کہ 1967 وچ شام توں کھون والی گولان دیاں چوٹیاں دے علاقے اتے اسرائیل دی حاکمی نوں امریکانے من لیا۔
صدرٹرمپ نے 9 اپریل نوں اسرائیل دے الیکشناں وچ نیتن یاہو نوں فیدا پہچان لئی کیتا۔
شام نے ٹرمپ دے فیصلے نوں اوس دی خودمختاری اتے وڈاحملہ آکھیااے۔ اوس کسے وی طریقے نال اپنے قبضے والے علاقے واپس لین دا ہوکابھریااے۔
نیتن یاہو میڈیا نال گل کردیاآکھیا اوہ اپنے حصے نوں کدے نئیں چھڈے گا۔
اقوام متحدہ سیکرٹری جنرل دے بلیار دے کہنااے ایہہ سدھی سانویں گل اے گولان دی حیثیت کدے نئیں بدلے گی۔
روس نے وی ایس اتے ڈاھڈا بیان دتااوس فیصلے نوں علاقے وچ نویں کھچاوالی لہر شروع ہوون دااشارہ دے دتا۔
ترکی آکھیا امریکا دے حکمنامے نوں کسے طرحاں نئیں منیاجاوے گا۔
437
