وزیراعظم نے نوازشریف خلاف بیان بازی توں روک دتا

وزیراعظم عمران خان نے اپنی حکومت تے پارٹی ترجماناں نوں نواز شریف خلاف بیان بازی توں روک دتا تے آکھیا کہ اوہناں متعلق عدالت جو فیصلہ کرے گی اوس نوں من لیا جاوے گا۔
وزیراعظم عمران خان حکومتی تے پارٹی بلیاراں دی بیٹھک نال گل بات کررہے سن، جیہدے وچ سیاسی تے معاشی صورتحال اتے غور کیتا گیا۔
اجلاس وچ مسلم لیگ ن دے رہنما میاں نواز شریف دی صحت بارے گل ہوئی تاں وزیراعظم عمران خان نے ترجماناں نوں نواز شریف دی صحت متعلق بیان بازی توں روک دتا۔
اوہناں دا کہنا سی کہ نواز شریف نال سیاسی اختلاف اپنی تھاں اتے لیکن اوہ اوہناں دی صحت لئی دلوں دعا کردے نیں۔
عمران خان دا کہنا اے کہ نواز شریف نوں پاکستان وچ ہر ممکن طبی سہولتاں دتی جاون گئیاں ، اوہناں دی بیماری دا علاج پاکستان وچ موجود اے، فیر وی نواز شریف بارے عدالت جو فیصلہ کرے گی اوس نوں تسلیم کراں گے۔