وزیراعظم عمران خان نے سنیئراینکر پرسن سمیع ابراھیم نوں فون کرکے فواد چودھری ولوں اوہناں نوں چپیڑ مارن دے واقعے اتے معذرت کیتی، اوہناں آکھیا تحریک انصاف کسے وی اختلاف نوں قبول کرن تے برداشت کرن دی سوچ رکھدا اے۔ وزیراعظم سمیع ابراھیم نوں آکھیا اوہ چھیتی ملاقات وی کرن گے۔
دسیا گیا اے پئی سمیع ابراہیم اک ویڈیو پیغام وچ ایہہ دسیا سی کہ عید مگروں پاکستانی اداریاں دے کجھ لوک،سیاستدان تے تحریک انصاف دے وی کجھ لوکیں مل کے وزیر اعظم عمران خان توں جان چھڑان تے فوج نوں کمزور کرن دی سازش کرن گے تے ایس سازش وچ امریکا تے بھارت وی شامل نیں۔
سمیع ابراھیم دا آکھنا سی ‘جسٹس افتخار چوہدری لئِ جیویں تحریک چلائی گئی سی، انج ای اک تحریک چلائی جاوے گی جس وچ پاکستان دی ساری بار کونسلاں دے وکیل شریک ہوون گے۔ ایس تحریک دا مقصد ججاں خلاف بنن والے ریفرنساں نوں روکنا دسیا جاوے گا۔
ایس تحریک وچ فواد چودھری اگے اگے ہوون گے تے اوہناں نوں پیپلزپارٹی دی حمایت وی حاصل ہووے گی،
وڈیو پیغام مگروں فیصل آباد وچ ویاہ دوران فوادچودھری سمیع ابراھیم نوں گالاں کڈھیاں تے نال اوہناں نوں چپیڑاں مارئیاں، جدی صحافتی برادری وی چنگی نندیا کیتی۔ وزیراعظم وی ایس نوں چنگا عمل نئیں قراردتا۔
رپورٹ ڈان نیوز
