پاکستان نے ورلڈ کپ وچ اپنے دوجے میچ وچ جوز بٹلر تے جو روٹ دی سنچریاں دے باوجود انگلینڈ نوں 14رنز نال شکست دے دتی۔
ناٹنگھم دے ٹرینٹ برج میدان وچ کھیڈے گئے میچ وچ انگلینڈ دے کپتان آئن مورگن ٹاس جت کے پاکستان نوں کھیڈن دا سدا دتا۔پاکستانی بلے بازاں محتاط انداز وچ بیٹنگ کیتی ، 82 دے سکوراتے سپنر معین علی 36 رنز بنان والے فخر زمان نوں اسٹمپ آؤٹ کیتا۔
بابر اعظم تے امام الحق نے ٹیم داسیکڑا مکمل کرایا، 111 اتے 44 رنز بنان والے امام الحق وی معین علی دے ہتھوں آؤٹ ہوگئے۔بابر اعظم تےمحمدحفیظ نےٹیم 88 رنز داآسرا دتا تے 199 دے مجموعے اتے وڈا شاٹ کھیڈدیاں بابر اعظم 63 رنز بناون مگروں کیچ آؤٹ ہوگئے۔
ایس مگروں حفیظ دا ساتھ دین لئی کپتان سرفراز احمد آئے تے دوہاں کھڈاریاں جارحانہ بیٹنگ کردیاں 59 گینداں اتے 80رنز دی ساجھے داری کیتی۔
حفیظ 62 گینداں اتے 84رنز دی شاندار اننگزکھیڈی کپتان سرفراز احمد 44 گینداں اتے 55 رنزبنائے۔
پاکستان نے 8وکٹاں دے نقصان اتے 348رنز بنائے۔انگلینڈ کی جانب سے معین علی اور کرس ووکس تن، تن جدکے مارک وڈ دو وکٹاں لتیاں۔انگلینڈ ٹیم مقررہ اوورز وچ 9وکٹاں دے نقصان اتے 334 رنز بنا سکی۔ پاکستان نے میچ وچ 14رنز توں فتح اپنے نام کر لئی۔
پاکستان دے وہاب ریاض نے تن وکٹاں حاصل کیتیاں جدکے شاداب خان تے محمد عامر دو، دو کھڈاری فارغ کیتے۔
محمد حفیظ نوں سوہنی کارکردگی اتے مین آف دی میچ قرار تیا گیا۔
440
