مانچسٹر دے اولڈٹریفورڈمیدان وچ پاکستان اور بھارت 16 جون نوں اک وار فیر اک دوجے سامنے ہوون گے، ویکھنا اے پئی پاکستان ورلڈ کپ دی تریخ بدلن وچ کامیاب ہوجاوے گا۔ یاں بھارت پاکستان نوں انج کرن توں روکے گا۔
میچ توں پہلاں کھڈاریاں دیاں گلاں تے اعلان، جد کے پنڈتاں وی رجھ مشورے دے چھڈے نیں۔
بھارتی ٹیم دے کپتان ویرات کوہلی داآکھنا اے کہ ورلڈکپ دےمیچ وچ اوہناں دا تے محمد عامر دا کوئی مقابلہ نئیں، کیوں جے کسی اک بولر نال کدے مقابلہ ذہن وچ نئیں رکھیا،کوہلی داکہناسی،اوہناں سامنے کوئی وی بولر ہووے،اوہ کھیڈاتے توجہ دیندے نیں، جے خراب شارٹ کھیڈی تاں کوئی پارٹ ٹائم بولر وی اوہناں نوں آؤٹ کرسکدااے۔
بھارتی سابق سپنر ہربھجن سنگھ نے آکھیا کہ پاکستان نے انگلینڈ نوں ہرایا، ایس لئی بھارت اوس نوں کدے آسان لین دی غلطی نئیں کرے گا، اوہناں مشورہ دتا کہ پاکستانی فاسٹ بولر پہلے دس توں پندراں اووراں وچ بھارت دی تن وکٹاں لے لین، جدے نال اوہ وڈا سکور نئیں بناسکے گا، ہربھجن سنگھ آکھیا پاکستان نوں موقع اے اور بھارت نوں ورلڈکپ وچ ہراکے ماضی نوں بھلادیوے۔ پاکستان دے اوپنر وی چنگے نیں، لیکن جت لئی محمد عامر تے دوجےفاسٹ بولرز نوں کردار اداکرنا پوے گا،
پاکستانی ہیڈ کوچ مکی آرتھر آکھدے نیں پاکستان ٹیم نے ورلڈ کپ وچ ہالے تائیں اپنی بہترین کرکٹ نئیں کھیڈی ،جس دیہاڑے پاکستان بہترین کرکٹ کھیڈلئی،اوس دیہاڑ پاکستان کسے وی مخالف نوں ہرادے گا۔ پاک بھارت میچ وچ کھڈاری دی کارکردگی اوس نوں کدھرے دا کدھرے پہنچادیندی اے۔
مانچسٹر وچ وی کرکٹ دامیلہ لگ گیا،بھارت تے پاکستان دے کرکٹ چاہیوان کٹھے ہوگئے ،ایتوارنوں اولڈٹریفورڈ دے میدان وچ اپڑن دی اڈیک اے۔
موسم وی بے ایمان ہوگیااے، ہفتے دے دیہاڑ بارش ہوئی ،سویرے وی بادل ورسن دی اطلاع اے۔
725
