کرائسٹ چرچ ات گردی دا نشانہ بنن والی دوجی لنوڈ دی مسیت وچ وڈے جانی نقصان توں بچاون والا 48 ورھیاں دا افغان عبدالعزیز اے جیہڑا ایس کہانی دا اک ہور ہیرو اے۔
عزیز دسیا اوہدے چار بال وی مسیت اندر نماز پڑھ رہے سن۔ ایس دوران اوہنے ات گرد ٹیرنٹ توں بندوق کھولئی اوس نس کے گڈی وچوں ہور بندوق پھڑن دا آہر کیتا میں اوس دا پیچھا کیتا تے اوہدے اتے کریڈٹ کارڈ دی مشین کڈماری۔
عزیز آکھیا میں ات گرد پچھے دوڑ لائی اوہدی بندوق چک کے فائر کیتا پر اوس وچ گوکی نئیں سی۔
حملہ آور نیں غصے نال میرے اتے چیخیا تے آکھیا میں سبھاں نوں جانوں ماردیاں گا۔ عزیز دسیا جد اوہ بندوق والے نال ہتھ جوڑی کررہیا سی اوس نوں محسوس ہویا جیویں اج رب میری حیاتی نئیں مکاندا۔ میرے دو بال مسیت وچون اوس نوں اندر آن لئی واجاں مار رہے سن۔
امام مسجد لطیف علیبی میڈیا نوں دسیا اوس باہر کجھ واجاں سنیاں تے نماز روک دتی۔ فوجی وردی وچ اک بندوق چکی بندہ گالاں کڈدا آرہیا اے میں نمازیاں نوں لمے پے جاون نوں آکھیا۔ اوسے ویلے گولی چلن تے کھڑکی دت شیشے ٹٹن دی واج آئی۔ 70 توں ودھ نمازیاں نوں پتہ لگ گیا حملہ ہویا۔ ایس دوران عزیز بہادری وکھائی تے اوس اتے قابو پایا ایسے کارن اساں سارے بچ گئے تاں ایتھے کھٹ نوصان ہویا۔
اک نمازی سید معظم دسیا کہ عزیز ویلے سر حملہ آور دا پچھا کرکے اوس دی بندوق ناں کھوندا تے ایس مسیت وچ وی وڈی موتاں ہوندیاں۔
النور مسیت وچ پاکستانی نعیم رشید ایس ات گرد توں بندوق کھون دی کوشش دوران اپنی جان دے دتی اوہناں دا بال طلحہ وی شہید ہوگیا۔ ایسراں نعیم تے عزیز نیں دلیری تے جگرے نال کم لیا ایہہ دونوں ہیرو نیں عالمی میڈیا وی ایہناں دی رجھ سلاہنا کیتی اے۔
448
