ظلم دی کالی رات مک جاسی۔نوازشریف دی جیل واپسی

نواز شریف کوٹ لکھپت جیل اپڑ گئے۔ لیگی کارکناں دے جلوس کارن رات سوا باراں بجے سانق وزیر اعظم دا قافلہ جیل اپڑیا پہلاں افسراں وصول کرن توں انکار کیتا مڑ وزارت داخلہ توں ہدایت ملن مگروں کارروائی مکمل کرلئی۔ اوہناں دا آکھنا سی شاماں پین توں پہلاں جیل اپڑنا نواز شریف لئی ضروری سی۔ سپریم کورٹ دا حکم سی۔ کوٹ لکھپت جیل تیک دا سفر لما ہوگیا۔ پنجاب سرکار دا آکھنا سی جیل مینوئل مطابق فیصلہ ہووے گا۔ ایس توں پہلاں جاتی امرا رائیونڈ توں سابق وزیراعظم نواز شریف اک ریلی دی شکل وچ گھروں ٹرپئے، نواز شریف کارکن نال گل کردیاں اوہناں دے جذبے دی سلاہنا کیتی تے آکھیا ظلم دی ہنیری رات مک جاوے گی۔
اوہناں دے نال پارٹی دے آگو تے گڈی وچ اوہناں دی دھی تے لیگی نائب صدر مریم نواز وی سن۔ کامیاں اپنے قائد دی گڈی اتے پھل سٹ کے تے وزیراعظم نواز شریف دے نعرے لاکے بھرواں سواگت کیتا۔ گڈی حمزہ شہباز چلارہے سن۔

رستے اتے لیگی کارکناں دی وڈی گنتری سواگت لئی کھلوتی قائد دی اڈیک کردی رہئ ۔ جس کارن جلوس نوں جیل اپڑن وچ چرلگ گیان