مولانا مسعود اظہر دا ناں عالمی دہشتگرداں دی لِسٹ اِچ شامل

نیو یارک (سجن رپورٹ) اقوام متحدہ دی سلامتی کونسل نے جیش محمد دے آگو مولانا مسعود اظہر دا ناں عالمی دہشت گرداں دی لِسٹ چ شامل کر لیا۔ ایہہ فیصلہ سلامتی کونسل دی پابندیاں لاگو کرن آلی کمیٹی نے آپنے اجلاس چ کیتا۔ چین نے فرانس، برطانیہ تے امریکہ نال ہوئے معاہدے مگروں ایہناں ملکاں ولوں لیاندی نویں قرارداد دی مخالفت نئیں کیتی۔ اقوام متحدہ دے ہیڈکوارٹرز ولوں جاری بیان چ آکھیا گیا اے کہ القاعدہ نال رَل کے دہشت گرد کارروائیاں کرن پاروں قرارداد 2368 دے پیرا 2 تے 4 دے تحت محمد مسعود اظہر علوی نوں پہلی مئی 2019 توں عالمی دہشت گرداں دی لسٹ چ شامل کیتا گیا اے۔