328

لندن: نواز شریف نوں ہسپتال داخل ہون دی تجویز

سابق وزیراعظم نوازشریف اک ہفتے توں علاج لئی لندن آئے نیں، جتھے اوہناں دا طبی معائنہ تے مختلف ٹیسٹ کیتے جارہے نیں۔
دسیا جاندا اے پئی نوازشریف دل دا معائنہ کران لندن برج اسپتال اپڑے۔ طبی معائنے مگروں ڈاکٹراں نے سابق وزیراعظم نوں ہسپتال وچ داخل ہون دی صلاح دتی اے۔ اوہناں دے نال ڈاکٹر عدنان ، بیٹے تے شہباز شریف وی سن۔
نواز شریف چیک اپ مگروں ہسپتال باہر میڈیا گل بات کردیاں شہباز شریف دا کہنا سی کہ ڈاکٹرز ہیماٹولوجسٹ دی رپورٹاں دی اڈیک کررہے آں۔
وزیر ریلوے دے بیان بارے اوہناں دا کہنا سی شیخ رشید دی کسے گل دا کدے جواب نئیں دتا، اللہ تعالی شیخ رشید نوں ہدایت دے۔
ایس موقع اتے نواز شریف دے ڈاکٹر عدنان دا کہنا سی کہ ڈاکٹراں نے نواز شریف نوں ہسپتال داخل ہون دی ہدایت دتی اے، نواز شریف دا پی ای ٹی اسکین جمعرات نوں ہووے گا۔

اپنی رائے دا اظہار کرو