416

فوری استعفا تے نویں الیکشن، مولانا دی منگ

اسلام آباد: منگل دی رات مولانا فضل الرحمان چوہدری شجاعت حسین نال ملاقات لئی اوہناں دے گھر ٹرگئے، جتھے چوہدری برادران نال کھل کے گل بات کیتی۔
مولانا فضل الرحمان نے آکھیا کہ میرا الیکشن کمیشن اتے وساہ نئیں، کمیشن آپ کہیا سی کہ 95 فیصد نتیجیاں اتے پریزائیڈنگ افسراں دے دستخط نئیں، جے انج اتے تاں الیکشن کالعدم ہو جاندے انیں، ایس دے باوجود کہیا جاندا اے کمیشن بناندے آں فلاں تھاں تے جاندے آں۔
چوہدری بھرواں نال ملاقات وچ ایہو گل کیتی اے پئی سیاسی اصول تے ساڈے مطالبے پچھے اک حقیقت اے۔ جنہوں ویکھدیاں ساڈی رہنمائی کیتی جاوے۔ تاں اسیں لوکاں نوں وی تسلی کراسکئیے۔
مولانا دا کہنا اے اسیں مذاکرات توں انکاری نئیں، لیکن ایس گل بات وچوں کجھ نکلنا چاہیدا اے، ساڈی منگاں نوں سنجیدگی نال لینا چاہیدا اے۔
فضل الرحمان دا کہنا سی، ساڈے مطالبے سرکار توں نیں، اسیں کدے نئیں چاہواں گے ایہناں وچ اسٹیبلشمنٹ نوں گھسیٹئیے، ساڈی دو منگاں نیں، فوری استعفیٰ تے مڑ کےالیکشن کرائے جاون۔

اپنی رائے دا اظہار کرو