542

عمران خان دی تقریر کس لکھی

وزیراعظم عمران خان 45 منٹ دے خطاب وچ پہلے پنچ منٹ گلوبل وارمنگ، اگلے پنچ منٹ منی لانڈرنگ، ایس مگروں تیرہ منٹ اسلامو فوبیا اتے فیر 23منٹ کشمیر دے حوالے نال گل کیتی۔
تمام تعریفاں دے نال اک سوال ہر پاسے ہورہیا اے پئی ایہہ تقریر لکھی کس نے اے؟ عام حالات وچ ہرورھے پرانی تقریر نوں موجودہ صورتحال مطابق ترمیم کر کے پڑھ دتا جاندا اے ایس وار حالات کجھ وکھرے سن۔

نجی ٹی وی مطابق عمران خان پاکستان توں جیہڑے تقریر لے کے گئے اوس نوں اوتھے پاکستانی مشن وچ موجودہ اک نوجوان ذوالقرنین چینہ نے کجھ بدل کے مڑ کے تیار کیتا۔ ذوالقرنین نہ صرف پاکستان مشن لئی کم کردے نیں،سگوں اقوام متحدہ دے سیکرٹری جنرل نوں وی تقریراں لکھ کے دیندے نیں۔

ذوالقرنین چینہ گورنمنٹ کالج یونیورسٹی لاہور دی ڈیبیٹنگ سوسائٹی دے صدر رہے نیں، اوہ سی ایس ایس کرکے فارن سروسز آف پاکستان وچ آگئے۔ تے اوہ ہن اقوام متحدہ دے پاکستانی مشن وچ سیکنڈ سیکرٹری دے طور اتے خدمت انجام دے رہے نیں۔

اپنی رائے دا اظہار کرو