341

عامر دی 3 وکٹاں، پاکستان پہلا میچ ہارگیا

ناٹنگھم :ٹرینٹ برج وچ ویسٹ انڈیز دے کپتان جیسن ہولڈر ٹاس جت کے پہلاں فیلڈنگ دا فیصلہ کیتا، ویسٹ انڈیز
کالی آندھی ثابت ہوئی، بولراں نے پاکستانی بلے بازاں نوں اپنی لپیٹ وچ لے کے ساری وکٹاں 21 ویں اوور وچ ڈھیر کردتا۔ امام الحق 2 رنز بنا کے آندرے رسل دی گیند جدکے فخر زمان 22 رنز بنا کے شارٹ کھیڈدے بولڈ ہوگئے۔

حارث سہیل 8 رنز اتے آندرے رسل دی گیند پر وکٹ کیپر شے ہوپ نوں کیچ دے بیٹھے۔
سرفراز احمد تے بابر اعظم نےٹیم نوں آسرادیون دی کوشش کیتی، اوہ وی نہ کھلوسکے، بابر اعظم 22 رنز اوشین تھومس تے سرفراز احمد 8 رنز بنا کے جیسن ہولڈر ہتھوں آوٹ ہوگئے۔محمد حفیظ نے وکٹ اتے کھلون دی کوشش کیتی اوہ 16 سکور اتے پولین ٹرگئے۔22 اووروچ پوری ٹیم 105 رنز اتے واپس ٹرگئی،اوشین تھومس 4، جیسن ہولڈر 3، آندرے رسل 2 جدکے شیلڈن ٹریل نے اک وکٹ لیتی۔

نکے جئے ٹارگٹ نوں ویکھدیاں ویسٹ انڈیز دے بلے بازاں دھواں دھار کھیڈوکھایا، 36رنز،اتے عامر نے شے ہوپ دی اننگز داخاتمہ کردتا۔
فاسٹ باؤلر نے اک ہوراہم کامیابی دلاندے ڈیرن براوو دی اننگز مکادتی۔محمد عامر نے تیجی وکٹ لیتی،تے اوپنر کرس گیل نوں 50 رنزاتے آوٹ کردتا۔

اپنی رائے دا اظہار کرو