ہیگ (میڈیا رپورٹ) عالمی عدالتِ انصاف نے بھارتی جاسوس کلبھوشن یادیو دی رہائی لئی بھارت ولوں دِتی عرضی رَد کر دیاں اوہدی پھانسی دی سزا روک دِتی۔ عالمی عدالت نے ہیگ چ مقدمے دا فیصلہ سنادیاں بھارت نوں آپنے قیدی تائیں قونصلر دی رسائی دیون تے نالے پاکستان نوں سزا اُتے مُڑ غور کرن دا حکم دِتا۔ پاکستانی خفیہ اداریاں کلبھوش یادیو نوں 3 مارچ 2016ء چ بلوچستان دے سرحدی علاقے ماشکیل وچوں اوس ویلے گرفتار کیتا جد او ایران راہیں پاکستان اِچ وَڑھ رہیا سی۔ پاکستان اُچیچا بلوچستان اندر دہشت گردی کرن دے الزام چ بھارتی جاسوس خلاف پاکستانی فوجی عدالت چ مقدمہ چلایا گیا۔ جرم ثابت ہوون اُتے فوجی عدالت اوہنوں موت دی سزا سنائی جیہدے بعد بھارتی سرکار نے کلبھوش یادیو دی سزا خلاف عالمی عدالتِ انصاف چ عرضی داخل کر دِتی۔
367
