سرحدی کھچا۔ پارلیمانی لیڈراں نوں ان کیمرا بریفنگ

پارلیمنٹ وچ ساری جماعتاں دے اگو کٹھے ہوئے۔ آرمی چیف جنرل قمر جاوید باجوہ ڈی جی آئی ایس پی آر میجر جنرل آصف غفور وزیر خارجہ شاہ محمود قریشی نے سرحداں دی صورتحال تے بریفنگ دتی۔ شہباز شریف آصف زرداری تے دوجیا جماعتاں دے لیڈر وی شریک ہوئے۔ اوہناں نوں دسیا گیا جے بھارت نیں کسے قسم دی جارحیت کیتی تے اوس نوں اجیہا جواب ملے گا جیویں بدھ دی سویرے 2 جنگی جہاز ڈیگ کے دتا گیا۔ پارٹی لیڈراں وی فوج نوں حوصلہ دتا پئی ساری قوم اوہناں پچھے کھلوتی اے ۔ شہباز شریف آکھیا مودی عقل نوں ہتھ پائے اوس دی بیوقوفی نال علاقے دی شانتی خطرے وچ پے جائے گی۔ خورشید شاہ بریفنگ وچ عمران خان دے شریک ناں ہوون تے افسوس کیتا۔