460

حریت کانفرنس آگواں دی سرکاری سکیورٹی دا سربندھ ختم

لہور (مونیٹرنگ ڈیسک) مقبوضہ کشمیر دی انتظامیہ نے اج اتوار نوں کشمیر دے سارے آزادی دے حمایتی پنج اہم سیاستداناں دی سرکاری سکیورٹی موڑ لئی اے۔ اج سری نگر وچ پریس ٹرسٹ آف انڈیا نے سرکاری عہدیداراں دے حوالے نال دسیا بئی جیہڑے سیاستداناں نوں دتی گئی سرکاری سکیورٹی والس لئی گئی اے اوہناں وچ حریت کانفرنس دے آگو میر واعظ عمر فاروق، عبدالغنی بھٹ، بلال لون، ہاشم قریشی تے شبیر شاہ شامل نیں۔ سرکاری سکیورٹی واپس لین دے حکمنامے وچ کشیمیر دے پاکستان نال رلن دے وڈے حمایتی سید علی گیلانی دا ناں نہیں لکھیا پر پریس ٹرسٹ آف انڈیا نے سرکاری افسراں دے حوالے نال ایہہ دسیا اے بئی آزادی دے حمایتی سارے سیاستداناں نوں دتیاں ہوئیاں ساری سہولتاں تے سوکھتاں واپس لین دا حکم وی دتا گیا اے۔

اپنی رائے دا اظہار کرو