179

جی اوئے ، ارشد ندیم دا 6 دناں وچ دُوجا گولڈ میڈل

(اسلام آباد سجن ڈیسک ) پاکستان دے ارشد ندیم نے جیولن تھرو وچ اک ھور گولڈ میڈل جت لیااے، 6 دناں وچ ایہ ارشد دا دُوجا تے کُلی طور چوتھا انٹرنیشنل گولڈ میڈل اے۔ پاکستانی ایتھلیٹ نے اسلامک سالیڈریٹی گیمز وچ ریکارڈ 88 اعشاریہ 55 میٹر دی تھرو کرکے پاکستان لیئی سونے دا میڈل اپنے ناں کیتا ۔
ترکی دے شہر قونیا وچ اسلامک سالیڈریٹی گیمز وچ ارشد ندیم شُروع توں ای سبھ توں اُچے رھے ، پہلی واری وچ 79 اعشاریہ 40 دی تھرو کیتی دُوجی واری وچ اوھناوں نے 88 اعشاریہ 55 دی تھرو کرکے اسلامک گیمز دا ریکارڈ بنا دتا۔ اگلی 3 واریاں وچ ارشد ندیم نے 75 اعشاریہ 50، 82 اعشاریہ 40 تے 83 اعشاریہ 33 دی تھروز کیتیاں ۔ چیتے رھے کہ اس پنجاب دے پُترارشد ندیم نے پچھلے اتوار نوں کامن ویلتھ گیمز وچ وی گولڈ میڈل جتیا سی،

اپنی رائے دا اظہار کرو