جرمنی وچ کورونا قابو توں باہر ، پینٹھ ھزار نویں روگیاں پسوڑی پا دتی

(اسلام آباد سجن ڈیسک ) جرمن ی وچ صحت دےسرکاری بلیار نے ملک وچ کورونا روگیاں دی ودھ دی گنتری بارے ھوکا دتا اے جس کارن جرمن سرکار دے بندوبستیاں نوں پسوڑی پے گئی اے تے اس مسلے دا نبیڑا کرن لئی سرکار کرڑے پیر پٹن دا سوچ رھئ اے ۔
جرمنی وچ اک ویروے موجب اک دن پہلاں کورونا دے 65 ہزار نویں کرونا دے روگی ساھمنے آئے نیں .چیتے رھوے کہ کورونا دی بماری پھوٹن مگروں اک دیہاڑے وچ جرمنی چ کورونا دے کیساں دی وڈی گنتری ساھمنے آئی اے ۔
رابرٹ کوچ انسٹیٹوٹ دے آگو لوتھر وائلر نے ملک دے سیاستداناں اتے تنقید کردیاں آکھیا کہ سیاسی سوجھوان وائرس دے کھلرن دی وارننگ نوں اک کن توں سن کے دوجے کن راھیں کڈھ رھے نیں تے اوھناں دا ایہ وطیرا نندیا جوگ اے