434

بھارت نوں وکھرا جواب دیواں گے، پاکستان

اسلام آباد: پاکستان دی قومی سلامتی کمیٹی آکھیا کے بھارت نیں جارحیت وکھائی اے، پاکستان ویلا تے تھان ویکھ کے جواب دے گا۔ وزیراعظم عمران خان دی اگوائی ہیٹھ اُچ پدھری بیٹھک ہوئی، جیہدے وچ آرمی چیف جنرل قمر جاوید باجوہ، وزیر خارجہ شاہ محمود قریشی، وزیر دفاع پرویز خٹک تے سنیئر فوجی افسر وی شریک ہوئے، بیٹھک وچ بھارتی دراندازی مگروں دی صورتحال اتے گوہ کیتا گیا، فوجی قیادت نیں فضائیہ دے طیاریاں دے فوری جواب دین دی کارروائی بارے دسیا۔
اکٹھ دے سانجھے اعلامیے وچ بالاکوٹ دے نیڑے ایس دسے گردہشت گردکیمپ نوں نشانہ بناون تے ہلاکتاں دے بھارتی دعوے نوں رد رکردتا۔نالے آکھیا پئی اک وار فیر بھارت جھوٹھا تے ان ویکھیا دعوا کیتا اے۔ بھارت دے ایس ڈھونگ دی بنیاد اندرونی انتخابی ماحول اے۔
ایہہ وی آکھیا گیا بھارت نوں جوابی کارروائی لئے پاکستان ویلا تے تھان دا فیصلہ آپو کرے گا۔
پارلیمان نوں اعتماد وچ لین لیے سانجھا اجلاس بلاون دا فیصلہ وی کیتا گیا۔

فوج دے ترجمان میجر جنرل آصف غفور آکھیا کے ساڈاجواب وکھراہووے گا، بھارت سرپرائز دی اُڈیک رکھے۔ اوہناں داکہنا سی پاکستان دے لوکیں تے ساریاں جماعتاں اک مُک نیں۔ اسیں بھارت دے جھوٹھ دا جواب دین لئے تیار آں۔

اپنی رائے دا اظہار کرو