418

بلوچستان وچ قوم لوط نوں پچھن والا کوئی نئیں

ضلع ہرنائی دے علاقے شاہرگ وچ کوئلے دیاں کھاناں نیں، جتھے خیبرپختونخوا،بلوچستان،پنجاب تے افغانستان توں لوکیں روزی کماون لئی آندے نیں۔ ایہہ علاقہ ملک دے دوجے علاقیاں توں وکھ اے ،ایہناں نوں پاکستان وچ ہوون والی کسے گل دی جانکاری نئیں، تے ایسراں ای پاکستان وچ وسن والیاں نوں وی شاہرگ وچ ہوون والے کسے کم دی کج خبر نئیں۔ ایتھے روزگار دے وڈے موقعے نیں، جیہڑا آندا اے اوس نوں نوکری لبھ جاندی ای۔ شاہرگ کوئلہ کڈدا اے پر ایتھے بڑی وڈی کالی کرتوتاں وی وکھائیاں جاندیاں نیں۔ جس نوں سن کے بندہ کمبھ جاندا اے۔
شاہرگ وچ بالاں دی وڈی گنتی کم لئی آندی اے، جنہاں بالکیاں دے پیو جیوندے نئیں ہوندے یاں کم کرن جوگے نئیں ہوندے اوہناں نوں اپنے ٹبر دا خرچا چکن لئی ایتھے آوناں پیندا اے، اوہناں نوں کان وچ کم کرن والے وڈکے جنسی زیادتی یا کہہ لو جنسی لوڑ پورن لئی استعمال کردے نیں۔ ایہہ بال دس ہزار مہینے اتے ایتھے لیائے جاندے نیں۔ فیر ایہناں کولوں کم دے نال روز دیہاڑے زیادتی کیتی جاندی اے۔
ایس علاقے وچ قانون دا کوئی عمل نئیں، ایس کالے کرتوتاں تے کدے کسے واج نئیں اٹھائی۔ ایہناں بالاں نوں اپنے ٹبراں دا خیال ہوندا، اوہناں نوں ایس جنسی فعل دا پیسہ وی دتا جاندا۔ ایہہ بال مجبور نیں کسے نوں کجھ نئیں آکھ سکدے،ایہناں آگے گھراں وچ ماواں، بہن بھائیاں دیاں ضرورتاں ہوندیاں نیں۔ اوہ کسے نال اپنی زیادتی دی گل تیک نئیں کردے۔ شاہرگ اپڑن والے نکے بال اتے ہر وڈے دی نگاہ ہوندی اے۔
پاکستان دا قانون بالاں نال ورتے اجیہے فعل اتے سخت سزا سناندا اے سوال ایہہ وے شاہرگ وچ ریاست دا قانون نئیں۔سرکار وی چپ وٹی تے اکھیاں میٹیاں نیں۔ اوتھے قوم لوط کسے خدائی عذاب دی اڈیک وچ اے۔
روزانہ ڈان

اپنی رائے دا اظہار کرو

بلوچستان وچ قوم لوط نوں پچھن والا کوئی نئیں” ایک تبصرہ

  1. بلوچسستان دی ساریج کاناں وچ کم کرن والے سارے بچیاں تو ودھ بچے صرف لہور توں ساہیوال تائیں ملتان روڈ اتے بنیی ٹیکسٹائل ملاں وچ کم کردے نیں۔ مزدور بچہ کدھرے وی کم کرے اوہنوں بلوچستان دی کاناں ورگے استحصال دا ہی سامنا اے ۔ کئی علاقیاں وچ اجے تائیں بال نوں جنسی ضرورتچ لئی ورت لین نوں کوئی جرم نہیں سمجھدے۔ ہن ایہہ مرض اوہناں علاقیاں وچ وی کھلردی پئی اے جتھے صدیاں وچ ایہہ کم نہیں ہویا۔
    https://www.bbc.com/urdu/pakistan-47275248

تبصرے بند ہیں