کراچی(سجن رپورٹ) بلاول بھٹو دا ٹرین مارچ۔۔۔۔تھاں، تھاں خطاب۔۔۔جیالیاں جی آیاں نو آکھیا۔۔۔۔۔۔۔۔پیپلز پارٹی دے چئیرمین بلاول بھٹو نے کراجی توں لاڑکانہ تیکر ٹرین مارچ کیتا۔ راہ وچ بلاول ہوراں وکھ وکھ ٹیشناں اتے جیالاں نال خطاب وی کیا۔ بلاول بھٹو نوں کراچی کینٹ توں وڈی گنتری وچ کارکناں روانہ کیتا۔ راہ وچ وی جیالیاں اوہناں نوں دھول ڈھمکے نال جی آیاں نوں آکھیا۔ ریل گڈی دے سٹاپاں اتے تقریر کردیاں بلاول بھٹو آکھیا کہ اوہناں دے نانے ذوالفقار علی بھٹو نوں آمریت اگے سر نہ جھکاون اتے پھائے لایا گیا، اوہناں اپنی جان دے کے جمہوریت دی لاج رکھ لئی۔ سیاسی تریخ گواہ اے کہ اوہناں کدے یو ٹرن نئیں لیا۔ بلاول بھٹو آکھیا بئی قائد عوام دی طرح اوہناں دے کارکن اج وی اپنے معاشی تے سیاسی حق لین لئی اک مٹھ نیں۔
663
