ایران، کورونا وائرس روکن لئی 54 ہزار قیدی رہا

بی بی سی مطابق ایران نے کورونا وائرس اتے قابو پاون لئی کجھ پیر پٹے نیں ، جنہاں تحت گنجائش توں ودھ قیدیاں نال بھری جیلاں وچوں اجیہے 54 ہزار قیدی ضمانت اتے عارضی طور رہا کردتے نیں، اینہاں قیدیاں وچ وائرس دی کوئی علامت نئیں پائی گئی۔
ایرانی سرکار دی پالیسی مطابق 5 ورھے توں ودھ سزا کٹن والے قیدیاں نوں رہائی نئیں دتی جاوندی۔
برطانوی میڈیا مطابق ایرانی وزارت صحت نے ملک وچ وائرس دے کیساں وچ 50 فیصد تیک اضافے دی تصدیق کیتی سی، جیہدے مگروں ایران وچ کورونا دے پکے مریضاں دی گنتی 2336 دسی گئی اے، جدکہ ایران وچ وائرس کارن ہن تائیں 77 افراد ہلاک ہوچکے نیں۔