318

مودی فیرجت گئے،عمران خان دی مبارکباد

نئی دلی: بھارتی لوک سبھا دے چناؤ وچ بھارتیہ جنتا پارٹی نوں دوجی وار کامیابی مل گئی، ہن تائیں اپڑن والے سرکاری نتیجے مودی دی فیر سرکار ول اشارے کردتے، ہالے اوس نوں 542 دی لوک سبھا وچ 340 دے لاگے سیٹاں ملدیاں وکھائی دے رہیاں نیں۔ اپوزیشن کانگرس نوں 100 دے لاگے سیٹاں اتے کامیابی ہوئی،ٹی وی چینلاں ولوں مودی دی جماعت دی جت دے اعلان مگروں بی جے پی دے حامی سڑکاں اتے آکے جشن منایا۔ پارٹی ترجمان آکھیا ،لوکاں مودی دی پالیسیاں لئی اوہناں نوں مینڈیٹ دتا۔ ایہہ بھارت لئی وی اک وڈی کامیابی اے۔ووٹاں دی گنتی دا عمل اج جمعرات دی سویرے شروع ہویا، رات تیک نتیجے دا اعلان کردتا جاوے گا۔

وزیر اعظم عمران خان نے اک ٹویٹ راہیں نریندر مودی نوں چوناں وچ جت اتے مبارکباد دتی، اوہناں آکھیا کہ خطے وچ امن تے خوشحالی لئی اوہناں نال کم کراں گے۔

اپنی رائے دا اظہار کرو