ایران دے صدر حسن روحانی نے امریکا لئی اک وار فیر سخت لہجہ ورتدیاں ہوئیاں آکھیا اے کہ امریکا نال مذاکرات بے کار نیں کیوں جے تہران تے عالمی طاقتاں وچکار طے پاون والا جوہری معاہدہ ہن خدشے دا شکار ہوچکیا اے۔
امریکی خبررساں ادارے ایسوسی ایٹڈ پریس (اے پی) دی رپورٹ مطابق صدر حسن روحانی نے ایہہ گل زمین توں فضا وچ مار کرن والے بور-373 میزائل سسٹم دے تجربے دے موقعے اتے آکھی، جنہوں ایران نے روسی ایس-300 دی اپ گریڈ صورت قرار دتا۔
ٹیلی ویژن اتے نشر ہوون والی تقریر وچ ایرانی صدر دا آکھنا سی کہ ہن ساڈے دشمن عقل دی گل نئیں سمجھ رہے ایس لئی اسیں عقل نال اوہناں نوں جواب دے وی نئیں سکدے۔۔
298
