اضافی ٹیکساں خلاف تاجراں دی ہڑتال

سرکار دے پیش کیتےبجٹ وچ نویں ٹیکساں دے نفاذ خلاف آل پاکستان انجمن تاجران ولوں ہڑتال دی کال اتےملک دے کجھ شہراں وچ کاروبارمکمل جدکے کجھ شہراں وچ جزوی طوراتےبند اے۔

پشاور، شانگلہ،کوہستان، بٹگرام،کوئٹہ،راولپنڈی،اسلام آباد،فیصل آباد،ٹھٹھہ، لاڑکانہ سکھر سنےکئی شہراں وچ مارکیٹاں مکمل بند نیں جدکے لہور تےکراچی وچ تاجر تنظیماں وچکار اختلاف پاروں کدھرے کدھرے ہڑتال اے۔
لہور دے مرکزی بازاراں جنہاں وچ ہال روڈ، مال روڈ، انارکلی، شاہ عالم مارکیٹ، ریلوے روڈ، اکبری منڈی، سرکلر روڈ، میکلوڈ روڈ بند جدکے ٹولنٹن مارکیٹ تے چاراں سبزی تے فروٹ منڈیاں کھلیاں نیں۔

کراچی دے جوڑیا بازار، بولٹن مارکیٹ، جامع کلاتھ، حیدری مارکیٹ، اکبر روڈ، طارق روڈ ادھ بچدی ہڑتال صدر وچ زینب مارکیٹ کھلی جدکے الیکٹرونکس مارکیٹ، گل پلازہ تےپیپر مارکیٹ بند نیں۔