اسلام آباد وچ پاکستان ڈے دے موقعے اتے اک وڈا اکٹھ ہوئیا جیہدے وچ سیاسی تے فوجی قیادت دے نال ملائیشیا دے وزیراعظم مہاتیر محمد سمیت غیرملکی پروہنیاں وی شرکت کیتی۔ پریڈ توں پہلاں صدر اپنی تقریر وچ پروہنیاں نوں جی آیاں آکھیا۔ پریڈ وچ فوجی دستیاں ویکھن وکھالے کیتے۔ فضا وچ جہاز فلائی پاسٹ کردے رہئے جدکہ ایس موقعے تے دفاعی سامان تے ہتھیاراں دی نمائش وی لائی گئی۔ ایس تو وکھ سویرے سویرے سارے ای وڈے شہراں وچ توپاں دی سلامی ہوئی جدکہ مسیتاں وچ ملک تے قوم لئی دعاواں منگیاں گئیاں۔
380
