آسیہ بی بی نوں فرانس وچ رہائش دی پیشکش

پیرس وچ فرانسیسی صدر ایمانویل میکراں نال پاکستان توں رہائی پاون مگروں وطن چھڈن والی آسیہ بی بی نے ملاقات کیتی۔ آسیہ بی بی لنگھے ورھے توہین مذہب دے کیس وچوں رہا ہوون مگروں اپنے ٹبر سنے کینیڈا ٹرگئی سی۔ صدارتی محل دے باہر میڈیا نال گل بات کردیاں صدر میکراں نال ملاقات بارے اوہناں دسیا پئی اوہ بڑی چنگی طراں ملے، اوہناں مینوں فرانس وچ آکے وسن دا سدا دتا اے، آسیہ بی بی دا کہنا سی اور ایس اتے غور کرے گی۔ ہالے اوہ اپنی صحت تے ٹبر دا خیال کررہی اے۔ صدارتی ترجمان مطابق جے آسیہ بی بی پناہ دی پیشکش قبول کرلئی تاں اوس نوں اک درخاست دینی ہووے گی۔