آرمی پرموشن بورڈ دا اجلاس۔ 40 بریگیڈئیرز نوں میجر جنرل بنا دتا گیا

راولپنڈی (سجن رپورٹ) پاکستان آرمی دے پروموشن بورڈ دا۔اجلاس اج جنرل ہیڈ کوارٹرز وچ آرمی دے سربراہ جنرل قمر جاود باجوہ دی صدارت ہیٹھ ہویا جیہدے وچ 40 بریگیڈئیراں نوں ترقی دے کے میجر جنرل بنا دتا گیا۔ فوج دے شعبہ تعلقات عامہ انٹر سروس پبلک ریلیشنز ISPR دی پریس ریلیز وچ دسیا گیا اے بئی جنہاں افسراں دی ترقی دی بورڈ نے منظوری دتی اے اوہناں وچ میڈیکل کور دے 11 بریگیڈئیر وی شامل نیں۔ نویں میجر جنرل بنن والیاں وچ ظفر اقبال خٹک، شاکر اللہ مروت، محمد اویس دستگیر، عامر نوید، محمد اعجاز مرزا، تبسم حبیب، محمد شجاع انور، دلاور خان، سرفراز احمد، آصف محمود گورائیہ، کمال اظفر تے محمد علی خان، کاشف آزاد، ماجد جہانگیر، اظہر وقاص، عاکف اقبال، عمر احمد بخاری، محمد احسن خٹک، عادل حسین، عادل یامین، محمد عامر نجم، محمد عقیل، کامران احمد ستی، سید امداد حسین شاہ، کاشف ظفر، خرم انوار قادری تے احمد شریف چوہدری شامل نیں۔ میڈیکل کور دے جیہڑے 11 بریگیڈئیراں نوں ترقی دے کے میجر جنرل بنا دتا گیا اے اوہناں وچ محمد۔علیم، احسن الطاف، سید نصرت رضا، کرامت حسین شاہ بخاری، فرخ سعید، قدرت اللہ ملک، عامر اکرم، شاہد حمید چوہدری، محمد قاسم بٹ، فرحان طیب تے محمد افشین اقبال شامل نیں۔