کانسٹیبل توں ڈاکٹری داسفر

طاہر خان پشاور پلس وچ 21 ورھیاں توں کانسٹیبل دی ڈیوٹی دے رہیا اے، جے کسے کانسٹیبل بارے دھیان آیا تاں ایہو پئی اوس میٹرک یا ایف اے کیتا ہووے گا، طاہرخان اجیہا کانسٹیبل اے جدی بائیوانفارمیٹکس وچ پی ایچ ڈی دے ڈگری مکمل ہوون والی اے۔ اوہ پلس دی فورنزک لیبارٹری وچ تعینات اے۔ اگلے چند مہینیاں وچ اوہدی ڈاکٹریٹ ہوجاوے گی۔
اجیہا گھٹ ای ویکھیا گیا پئی کسے علم دے جنون نوں مالی اوکڑاں دے باوجود پوراکیتا ہووے۔

طاہر خان پشاور دے لاگے علاقے ارمڑ دے رہائشی اے، اوس 1998 وچ بی ایس سی فائنل دے پڈھیار دی حیثیت نال گھر دے حالات پاروں تعلیم وچے چھڈدتی ،پلس وچ کانسٹیبل بھرتی ہوگیا۔ 2008 وچ فیر توں اپنی تعلیم شروع کیتی، بی ایس سی مگروں بائیو ٹیکنالوجی وچ ایم ایس سی کیتی۔ 2014 وچ اسلام آباد دی ایک یونیورسٹی وچ بائیوانفارمیٹکس وچ پی ایچ ڈی لئی رجسٹرہوگئے، ایس کم لئی محکمے اوس نوں اجازت دے دتی۔ پچھلے آئی جی صلاح الدین محسود اوس دی مددکیتی۔
طاہر خان دسیا اوس نے پی ایچ ڈی پبلک ہیلتھ وچ ٹی بی دے روگ وچ کیتی۔ نالے فرنزک وچ وی تحقیق کررہے نیں۔
اپنی تعلیم وچ طاہر خان ول ترقی کیتی اوس نوں پلس وچ ہالے وی پنچویں توں ستوان گریڈ ملیا،اوس توں اگے ترقی نہ مل سکی۔طاہر دے دومنڈے تے دو کڑیاں نیں، سارے پڑھدے نیں، اوس دے خواہش اے اہدے بال وڈی تعلیم لین۔
شکریہ بی بی سی