لکھاری . زاھد اقبال بٹ
جیکر جگت وچ تسیں اپنا اک خاص کردار اپنا ء لوو سٹے وچ تھانوں اک لوکائی اعتبار مل جاندا اے ۔ تھاڈی اک ساکھ بن جاندی اے تے لوک آسانی نال تھاڈے اتے اعتبار کرنا شروع کر دیندے نیں ایھ لوکائی ویھار تھاڈے فیدے لئی سچا سودا اے ۔جیکر تسیں سچی مچی جھو ٹے بننا پسند کردے اوہ تے لگاتار جھوت بولنا چاؤھندے اوہ تے تھانو ں جھوٹ لئی ثبوت اکٹھے کرنے ھوون گے سو جھوٹ نوں ثابت کرن لئی جتن کرنے پین گے تے دوجے پاسے چلدی ٹھنڈی ھوا دلیلاں دی محتاج نھیں ھوندی ،ایویں سچے تے کھرے انساناں نوں دلیلاں کھرچن دی لوڑہ نھیں ھوندی ۔جھوٹ ھر ھٹی اتے وکاوء مال اے تے لوکیں وی عام طور تے اک دوجے نوں کھندے نیں ” سنا کوئی نویں تازی ” یعنی کوئی نواں جھوٹ سنا ، سچ کدیں نواں نھیں ھوندا ۔۔۔۔۔۔۔تسیں لوکاں نوں مجبور کر دے اوہ کہ اوہ تھاڈے نال جھوٹھیاں گلاں کرن تے گپاں مارن ،اک دوجے دیاں بدخوئیاں کرن تے مرچ مثالے نال کردار کشی دی کثتی اتے سوار ھو کے وڈے وڈے جھوٹ مارن تے وڈے جھوٹ مارن نال سچ دی پکڑ ذرا ٹھلی رھندی اے جد کے نکے نکے جھوٹاں نال بندے دی پکڑائی جلدی ھو جاندی اے لھازا لمیاں لمیاں چھڈن نال جھوٹ چھیتی پکڑائی وچ نھیں آوندا۔۔ایسےھی کلئے اتے عمل کردیاں سیاستدان تے بیوروکریٹ ترقی دیاں منزلاں طیہ کردے جا رھے نیں تے نمانے تے بے وس لوکیں ایھناں دیاں پوڑھیاں دے ڈنڈے ھی گندے رھندے نیں پر جد کجھ لوکیں اوھناں دے جھوٹ پھڑن وچ کامیاب ھوون لگدے نیں تے اچن چیت اک نویں پارٹی دے سر اتے حکمرانی دا تاج سجا دتا جاندا اے تے ایس طرحاں نویں وڈےجھوٹ نون سچ سمجھن دے عادی لوک اک واری فیر بڑی اسانی نال لڈیاں تے بھنگڑا پاوئندیاں جھوٹ دی قید دے ڈھائے چڑہ جاوندے نیں تے سچ جنھے آذادی نوں جمنا سی ، اپنی ھتھی مار دتا ۔۔۔۔۔
911
