1,059

بازی ھار گئے ” کتے “

لکھاری زاھد اقبال بٹ
لوکیں جنھے زہین ھوون گے اوھنے ھی گھٹ گھٹیا ھوون گے ، زھین بندہ زراسا وی گھٹیا نھیں ھووے گا کیونجے اوہ پر یت تے لوکاں تے جنوراں دی مجمانی نوں اسل کھیڈ سمجھدا اے تے دوجے پاسے لوکیں ڈنگ ٹپائو اپنے کم کڈھن دیاں اٹکلاں وچ مصروف نیں۔ اوھناں دی پریت وچوں کھوٹ، لشکارے مارھی ھوندی اے ۔بے وقوف بندے نوں گھٹیا ھونا پیندا اے کیونجے اوہ سوچدا اے کہ اوہ اسطرحاں ھی جت کے اپنے کم کڈہ سکدا اے تے زھین بندے نوں جتن دی بلکل خوا ھش نھیں ھوندی تے نہ ھی اوھدا کسے نال ٹاکرا ھوندا اے احمقاں نوں مسلسل مقابلا کرنا پیندا ای جیو یں ساڈے سیاستدان تے کجھ دوجے پیشیاں نال جڑے لو کیں جو زھانت اتے اکا یقین نھیں کردے تے نہ ھی ایھدے اتے انحصار کر دے نیں اس واسطے اجیھے لوکیں گھٹیا پن دے کسے وی رستے نوں اختیار کر سکدے نیں ۔۔۔۔۔۔۔۔۔
اس کائنات اتے ھر انسان تے جنور نوں جیون دا حق اے جس ملک دے وسنیکاں نوں نہ ویلے سر روٹی لبھے نہ سون نوں تھاں تے کجھ ویلے توں بعد اپنے پاگل پن دے ودھا دی وجا توں ہر آوندے جاندے بندیاں نوں گا لھاں کڈھنیاں شروع کر دیون گے فیر کجھ عرصا گزرن مگروں ایہ پاگل بندے ہتھ وچ اٹ پھڑ کے لوکاں د ے سر وی پاڑھناں چھو دیندے نیں سٹے وچ لوکیں اوھنوں پاگل خانے داخل کرادیون گے تے جھدے اگے پچھے کوئی والی وارث نھیں ھوندا اوہ ساری عمر سڑکاں اتے پھٹے پرانے اک ھی لیڑے نال حیاتی گزا دیندے نیں ۔ جد انساناں نال اجیھا مندا ورتارا ھر تھاں نظری آوندا اے تے جانور کیویں ساڈے توں بچ سکدے نیں ۔ جنھی مٹی پلیت اساں کتیاں دی کرنے آ ں ،تسیں سارے اس توں جانو اوہ نہ ساڈے لوکیں کتیاں لئی ان پانی تے نہ ھی شیلٹراں دا کوئی بندوبست اے تے نہ ھی علاج اے، کتے انساناں دے اس مندے رویہ دی وجا توں بھوں پریشان نیں ، انساناں دی اس لا پرواھی کارن کتے تھانوں سلوٹ نھیں مارن گے سگوں تھاڈیاں مندیاں کرتوتاں پاروں ھر آون جاون والیاں اتے بھونکن گے تے تھاڈیاں لتاں وی لتاں چیرن گے ۔ ۔۔ کجھ دیھاڑے پھلاں دی گل اے کہ کراچی وچ چکن وچ زھر چھپا کے 700 کتے مار دتے تے دوجیاں تھاوان اتے مارے جاون دالے کتیاں دا حساب ای نھیں تے اس خبر اتے ٹی وی اینکراں دا اک جتھا چینل اتے بیٹھ کے کتیاں دی موت اتے ٹھٹھا کر رھیا سی ،میرے واسظے اجیھا ھاسا ، مینوں کجھا ما رھیاں سی ، میری سوچ اوھناں کتوریاں ول ٹر گئی جو اپنے ماپیاں نوں اڈیک رھے سن تے کیہ رھے سن کی سانوں اج چنگا کھاون نوں ملے گا تے ساڈے ماپے آون گے تے اج اوھناں نال کھیڈ رچاواں گے تے دوجے پاسے اپنے بالاں لئی چنگی غزا ڈھون بھا نے اوہ اپنے بالاں توں بھوں دور ٹر جاون گئے جو کدیں نھیں پر تن گے ۔۔۔تے کتوریاں نوں ایس گل گا علم ای نھیں سی کہ اوھناں دی انویسیبل اڈیک انساناں دے ڈھائے چڑہ گئی اے………….

اپنی رائے دا اظہار کرو