چین دے شہر ووہان وچ 2019 نوول کورونا وائرس چمگادڑاں توں کسے جانور تے فیر انساناں وچ منتقل ہویا، مگر ہن تیک ایہہ معلوم نئیں ہوسکیا سی پئی اوہ کیہڑا جانور ہوسکدا اے۔
ہن چینی سائنسداناں نے شک ظاہر کیتا اے کہ مُک جاون دے خطرے نال دوچار پینگولین چمگادڑاں تے انساناں وچکار گواچی ہوئی کڑی اے۔
نواں کورونا وائرس چمگادڑاں توں نکلیا اے، ایہہ گل منی جاندی اے، مگر ایہہ پرندے ووہان دی اوس پنچھیاں دی مارکیٹ وچ فروخت نئیں کیتا جاندا، جتھوں کہیا جاندا اے پئی وائرس نکلیا سی۔
مگر ساﺅتھ چائنا ایگریکلچرل یونیورسٹی دی تحقیق وچ جنگلی جانوراں دے اک ہزار توں ودھ نموںیاں دے تجزیے توں دریافت ہویا کہ پینگولین وچ وائرس دے جینوم سیکونس انسانی مریضاں وچ موجود وائرس دے 99 فیصد تیک رلدے نیں۔
دنیا بھر وچ کرونا وائرس نال ہالے تیاں 920 بندے اپنی جان توں چلے گئے نیں۔ سائنسداناں نے ایس وائرس نوں اک نواں نام دتا اے۔
338
